El mes pasau presentose n'Uviéu el segundu estudiu sociollingüísticu de la manu de Francisco Llera Ramo y Pablo San Martín Antuña sociologos de prestixu que xuntu cola Academia de la Llingua asoleyan esti trabayu baxu'l nome de "II Estudiu Sociollingüísticu d'Asturies". Nesti trabayu hai dellos datos que muestren la salú y los pelligros de la nuesa llingua. Ente ellos destaquen el perimportante avieyamientu de los falantes lo que fae que de 10 años p'equí nun se renueve'l númberu de falantes lo que puee debese de xuru al saltu interxeneracional pol que nun s'algama a tresmitir la conocencia la llingua dende los falantes vieyos a los rapacinos.
Otru datu perimportante ye la opinión de la xente respeutu a la oficialidá. Destaca la mayoría d'asturianos qu'apuesten pol billingüísmu y pola mayor presencia del asturianu tantu nos medios de comunicación como nes escueles. A esto Llera Ramo culpó a les polítiques o más bien a la falta de polítiques dende'l gobiernu asturianu con respeutu a la normalización y promoción del idioma, a lo que soralló la importancia de fomentar la enseñanza del asturianu nos adultos.
Ye destacable tamién l'interés de los asturianos pola nueva TV autonomica na que segun l'estudiu ye precisu incluyír conteníos n'asturianu.
Alegrome de encontrar paisanos por estos lares y más tovía de ver un blog n´bable. Puxa la llingua puxa Asturies.
Tallueu.
Escritu por Tirolesa en tanga a les Marzo 10, 2004 10:39 PMTa perprestosu esti weblog muncha suerte.
Escritu por Silabario a les Marzo 21, 2004 02:08 AMThere is no great genius without some touch of madness.
Escritu por penis enlargement a les Octubre 17, 2004 07:14 AM