Abril 22, 2004

Ñaz AsturNews.com un diariu n'asturianu dafechu

De la manu de Próspero Morán, conocíu periodista de prestixu n'Asturies ñaz Asturnews.com, un diariu dafechamente n'asturianu nel que s'espublizarán tou tipu de noticies de carauter xeneral pero col denominaor común de ser n'asturianu. El diariu vien protexíu con llicencia copyleft ye dicir que pueen copiase tolos testos y noticies siempre y cuandu se nombre d'ú se sacaron. Estu nun tien otra finalidá que la difusión na rede d'articulos na nuesa llingua con un ciertu carauter periodisticu y sobre tou con amplia información sobre les noticies del país, amás d'articulos d'opinión, axenda cultural que puees suscribite pa que te llegue al to buzon de correu lletrónicu y un relatu encadenau escritu por importantes figures de la lliteratura actual asturiano. Amás dende esti nueu proyeutu pretende afondase na utilización de les nueves tenoloxíes na normalización de la llingua polo que tien accesu tamién a les noticies dende'l movil y tien la capacidá de poder enxertase comentarios a les noticies o d'unviales a un collaciu. En definitives cuentes, una bona noticia palos que trabayamos pola normalización de la nuesa llingua porque con estes coses ye colo que se llega a la xente. A ver si hai más xente que s'anima a facer proyeutos asina.

Escritu por Alderique a les Abril 22, 2004 07:30 PM
Comentarios
Escribir un comentariu









¿Recordar informacion personal?